इंग्लिस क्लब लिभरपुल ट्रान्सफर बजारमा सर्वाधिक मूल्यवान टिम बनेको छ।
फुटबल अब्जरभेटरी संस्था सीआईईएसले निकालेको युरोपको शीर्ष पाँच लिगको सूचीमा लिभरपुल शीर्ष स्थानमा रहेको हो।
लिभरपुलको मूल्य १.४ बिलियन पाउण्ड रहेको छ। यस्तै दोस्रो स्थानको म्यानचेस्टर सिटी छ। उसको मूल्य १.२४ बिलियन रहेको छ।
सूचीको तेस्रो स्थानमा स्पेनिस क्लब बार्सिलोना र चौंथो स्थानमा रियल मड्रिड यता इंग्लिस क्लब चेल्सी पाँचौं स्थानमा रहेको छ।
त्यस्तै म्यानचेस्टर युनाइटेड, पेरिस सेन्ट जर्मेन (पीएसजी), एट्लेटिको मड्रिड, टोटनहम र युभेन्ट्स क्रमशस् छैटौं देखि दशौँ स्थानमा रहेका छन्।
सीआईईएसले खेलाडीको उमेर, प्रदर्शन, क्लबको आर्थिक मूल्यलाई आधार बनाएर सूची निकालेको जनाएको छ।
