प्लाष्टिक जन्य पदार्थ नेपालबाट भारत लैजाने क्रममा नेपाल प्रहरीले दु:ख दिएको भन्दै पुराना प्लाष्टिक व्यवसायी संघ टेकु र चितवन कवाड व्यवसायी संघले जिल्ला प्रशासन कार्यालय पर्सामा संयुक्त रुपमा ज्ञापन पत्र बुझाएका छन्।

देशभरबाट उत्पन्न हुने फोहोरबाट पुनः प्रयोगमा आउने किसिमको प्लाष्टिक जन्य पदार्थको संकलन गरी नेपाल भित्र प्रयोग हुन नसक्ने प्लाष्टिक बस्तुलाई प्रयोगमा ल्याउनका लागि भारत निकासी हुने गरेको कवाड व्यावसायीहरु भनाई रहेको छ।

प्लाष्टिकको समस्या एकजनाको होईन यो पुरै राष्ट्रको समस्या रहेको युवा समाजसेवी महबुब आलमको जिकिर रहेको छ। देशमा उत्पन्न भएको प्लाष्टिकको फोहोर राज्यले व्यवस्थित गर्न नसक्ने भएपछि केही बेरोजगार युवाहरुले यसलाई सफा गरि भारत तर्फ पैठारी गरेको आलमको भनाई रहेको छ ।  

‘नेपालमा प्रयोग हुने अधिकांश समाग्री प्लाष्टिक वस्तुको रहेको तर न सरकारी स्तरमा वा निजि स्तरमा यसलाई प्रशोधन गर्ने व्यवस्था नरहेको हुनाला यसलाई देशभरीबाट संकलन गरेर भारत पैठारी गर्ने गरेको छ,’ उनले भने।

नेपाल भित्र उत्तसर्जन गर्न गराउन वेलावखत नागरिक समाजका तर्फबाट विरगंजस्थित सिमा क्षेत्रबाट भारत तर्फ पैठारी गरी सहरी सौन्दर्यकरणम टेवा पुर्याउदै आएको विज्ञाप्तीलाई उद्र्धित गर्दै पर्सा जिल्लाका सहायक प्रमुख जिल्ला अधिकारी ललित कुमार बस्नेतलाई संघका अध्यक्ष राजेश आचार्यले बताए। 

नेपाल सरकारसंग परामर्शपछि केही निर्णय दिन मिल्ने पर्साका सहायक जिल्ला अधिकारी ललित कुमार बस्नेतको भनाई रहेको छ। नेपालको सरसफाईमा टेवा पुर्याइरहेको कुराले सम्बेदनशिल कुरा भएको बस्नेतले जिकिर गरे।