पूर्वमिस नेपाल उषा खड्गीले आफू श्रीमानबाट अलग भएको बताएकी छिन्। उनले, एक टेलिभिजन कार्यक्रममा श्रीमान जीपी तिमिल्सिनाबाट अलग भएको जानकारी गराएकी हुन्।
उनले, आफू शारीरिक र मानसिक रुपमा नै दुर्व्यवहारमा परेको भन्दै अब एकसाथ अगाडि बढ्न नसक्ने बताएकी छिन्। उनले, आफ्नो गाह्रो समयमा सहयोग गर्ने फ्यान र शुभचिन्तकलाई धन्यवादसमेत भनेकी छिन्।
यसअघि नै उषा र जीपीबीच डिभोर्स हुने चर्चा चलेको थियो। यद्यपि उनीहरु दुवैले त्यसलाई नकार्दै आएका थिए। तर, अहिले उषा आफैंले यसबारे मुख खोलेकी हुन्।
१७ वर्ष लामो सम्बन्धलाई उषा र जीपीले टुंग्याउने निर्णय गरेका हुन्। उनीहरुले २ वर्ष लामो प्रेम सम्बन्धमा रहेर करिब १५ वर्ष अगाडि बिहे गरेका थिए।
सन् २००३ मा वैवाहिक जीवनमा बाँधिएका उषा र जीपीको एक छोरा र एक छोरी छन्।
