पछिल्लो वर्ष शाहरूख खान अभिनित ‘जिरो’सँगै रिलिज भएर व्यापारमा आफूलाई सफल बनाएको दक्षिण भारतीय कन्नड चलचित्र ‘केजिएफ’को दोश्रो भागको रिलिज मिति घोषणा भएको छ।
सर्वाधिक महँगो बजेटको कन्नड चलचित्र ‘केजिफ २’ले शुक्रबार सिक्वलको रिलिज मिति घोषणा गरेको छ। चलचित्र यसै वर्षको अक्टुवर २३ मा रिलिज हुने तय भएको छ।
पहिलो भागको सफलताले दोश्रो भाग चलचित्रलाई अझ भब्य बनाउने तयारीमा यसका निर्माताहरू जुटेका छन्। कन्नडसहित तेलेगु, तमिल, मलायालम र हिन्दी गरी चलचित्र एकसाथ पाँच भाषामा रिलिज हुनेछ।
पिरियड ड्रामा अन्तरगत राखिएको चलचित्रमा ७० को दशकका माफियाहरूको कथा रहेको छ। याे कन्नड भाषामा बनेको सर्वाधिक महँगो चलचित्र हो।
प्रशान्त निल निर्देशित चलचित्रमा बलिउड अभिनेता संजय दत्तलाई मुख्य खलनायकको भूमिकामा छन्। उनका अलवा यश, श्रीनिधि शेट्टी र रविना टन्डन पनि मुख्य भूमिका हुनेछ।
यसअघिको केजिएफलले अनुमानित २५० करोड भारू कमाइ गरेको बताइन्छ। यो चलचित्र ५० देखि ८० करोड भारूको महँगो बजेटमा तयार भएको थियाे।
