अमेरिकामा कोरोना भाइरस सक्रमणबाट मृत्यु हुनेको संख्या बढेर ३८ पुगेको छ। मृत्यु हुनेमा ३० जना वासिङ्टन राज्यका छन् भने क्यालिफोर्नियाका चार र फ्लोरिडाका दुई र न्युजर्सी र साउथ डकोटाका एक-एकजना रहेका छन्।
यसैगरी अमेरिकामा कोरोना भाइरस संक्रमितको संख्या बढेर एकहजार दुईसय नाघेको छ। संक्रमितहरू राजधानी वासिङ्टन डीसीसहित ४२ राज्यमा भेटिएका छन्। पछिल्लो विवरणअनुसार वासिङ्टनमा तीनसय ६६, न्युयोर्कमा दुई सय १६,क्यालिफोर्नियामा एक सय ३३ र मासाचुसेट्समा ९५ संक्रमित पाइएका छन् । यी चार राज्यमा मात्र आठसय १० संक्रमित पाइएका छन्।
यसैबीच अमेरिकामा १९ राज्यले आपतकाल घोषणा गरिसकेका छन्। यो घोषणाले ती राज्यलाई कोरोना भाइरस संक्रमणविरूद्ध लड्न विशेष अधिकार दिन्छ।
