फ्रेन्च लिग कप फुटबलको फाइनल खेल स्थगित भएको छ। आगामी अप्रिल ४ मा तय भएको पेरिस सेन्ट जर्मेन (पीएसजी) र लियोनबीच खेल स्थगित गरिएकाे हाे।
विश्वब्यापी फैलिएको कोरोना भाईरसको कारण फ्रेन्च कपको फाइनल खेल स्थगित गरिएको हो।
कोरोना भाईरसलाई मध्यनजर गर्दै फाइनल खेल बन्द रंगशालामा खेलाउने तयारी भएको थियो। तर,पीएसजी र लियोनले दर्शक बिना खेल्न नमानेपछि फाइनल खेल स्थगित गरिएको फ्रान्सेली मिडियाले जनाएको छ।
फ्रान्सले पछिल्लो समय एक हजार बढी मानिसको जमघट गर्न प्रतिबन्ध लगाएको छ। फ्रान्समा मंगलबारसम्म कोरोना भाइरसको एक हजार सात सय ८४ सङ्क्रमितहरु भेटिएका छन्। जसमा ३३ जनाको मृत्यु भएको छ भने ८६ मानिसहरु गम्भिर अवस्थामा छन्।
