रौतहटमा नेपाली १९ लाख भन्दा बढी रुपैयाँसहित २ जना पक्राउ परेका छन्।

राजदेखी नगरपालिका–८ बेलबिछवास्थित सशस्त्र प्रहरी बिओपीका असई अजय थापाको कमाण्डमा गएको टोलीले सोमवार साँझ भारत बैरगनियाबाट रौतहट आउदै गरेको बिआर ०५ आर ९४६४ नम्बरको मोटरसाईकलमा चेकजाँच गर्दा १९ लाख एकहजार एकसय ५० रुपैयाँसहित २ जनालाई पक्राउ गरेकाे हाे।

स्रोत नखुलेका रुपैयाँसहित पक्राउ पर्नेमा कटहरिया नगरपालिका वडा ६ बगहीका २० वर्षीय नवलकिसोर साह र भारत बैरगनिया वडा १४ का २३ वर्षीय शनी कुमार रहेका छन्। उनीहरुको साथबाट एकथान मोटरसाईकलका साथै ३ थान मोबाइल समेत बरामद भएको सशस्त्र प्रहरीले जनाएको छ।

उनीहरुलाई थप अनुसन्धानको लागि  जिल्ला भन्सार कार्यालय गौरमा बुझाएको सशस्त्र प्रहरीले जनाएको छ ।