काठमाडौंको ढुंगाअड्डामा ब्रेक फेल भएको ट्रकले ९ वटा सवारी साधनलाई ठक्कर दिएको छ। दुर्घटनामा एक जनाको मृत्यु भएको छ भने ४ जना घाइते भएका छन्।

सोमबार साँझ थानकोटबाट कलंकीतर्फ आउँदै गरेको ट्रकले चन्द्रगिरी नगरपालिका-१५ ढुंगाअड्डास्थित कालिका पम्प नजिकै ट्याक्सी, कार, जिप, स्कुटरलगायतका सवारी साधनलाई ठक्कर दिएको कालिमाटी वृत्तले जानकारी दिएको छ।

ट्रकले एउटा स्कोरपियो गाडी, ट्याक्सी, भ्यान, दुईवटा मोटरसाइकल, एउटा कार र स्कुटरलाई ठक्कर दिएको हाे। ट्रकका चालकलाई प्रहरीले नियन्त्रणमा लिएको छ। तर नाम भने खुलाइएको छैन।

दुर्घटनामा घाइते भएकाहरूको ट्रमा सेन्टरमा उपचार भइरहेको छ।