ललितपुर र भक्तपुरमा भएका दुर्घटनामा तीन जनाको ज्यान गएको छ। ज्यान गुमाउनेमा काठमाडौं लाजिम्पाटका चालक दिवसकिशोर भट्टराई र पछाडि बसेकी ललिता राई रहेका छन्।

बिहान ४ बजेतिर ललितपुरको बालकुमारीमा बा ३८ प ८३५७ नम्बरको मोटरसाइकल सडकको रेलिङमा ठोक्किंदा दुई जना घाइते भएका थिए। दुर्घटनामा घाइते दुबै जनाको उपचारको क्रममा बीएण्डबी अस्पतालमा ज्यान गएको प्रहरीले जनाएको छ।

यस्तै हिजो बेलुकी भक्तपुरको च्यामासिंहमा ट्रकको ठक्करबहाट घाइते भएका पैदलयात्रीको उपचारको क्रममा राती ज्यान गएको छ। ट्रकको ठक्करबहाट ११ वर्षीय बालक तिलक मकाजुको ज्यान गएको प्रहरीले जनाएको छ। बालकलाई ठक्कर दिने बा ३ क ३५८८ नम्बरको ट्रकका चालकलाई पक्राउ गरिएको प्रहरीले जनाएको छ।