महाँकाल गाउँपालिका वडा नं ६ मा आउँदो १५ र १६ गते ठूलादुर्लुङ मेला आयोजना हुने भएको छ। कला, संस्कृति, कृषि, पर्यटन विकास र विस्तारका लागि मेला आयोजना गर्न लागिएको हो।

नेपाल भ्रमण वर्ष २०२० लाई सफल बनाउन कृषि, कला संस्कृति प्रदर्शनी, स्वास्थ्य शिविर, शैक्षिक मेला र बृहत सांस्कृतिक कार्यक्रम मेलामा हुने वडाध्यक्ष रामकृष्ण आचार्यले जानकारी दिए।

'पहिलो दिन गाउँपालिकाभित्र उत्पादन भएका कफी, दाल, मसला, तरकारीलगायतका विभिन्न बालीको प्रचारप्रसार, बालबालिकाको सिर्जना प्रदर्शन, पशुको गोभर जाँच र बन्ध्याकरण, ज्येष्ठ नागरिकको स्वास्थ्य परीक्षण हुनेछ', उनले भने, 'दोस्रो दिन सास्कृतिक कार्यत्रक्रम, किसान सम्मानलगायतको कार्यक्रम हुनेछ।'