काठमाडौँ- हुन त मलाई पनि राम्रो प्रशिक्षकसँग ट्रेनिङ गर्न मन नभएको होइन। तर गुरुहरुले ट्रेनिङ गराउने समयमा मेरो फुर्सद नहुने। जतिबेला भन्यो त्यतिबेला मसँग समय पनि थिएन। म त अध्ययन र जागिर गर्दै दौड्ने रहर पूरा गरिरहेको सामान्य युवती।
अध्ययन र जागिर गरेर खेल्दा पनि म रित्तो हात फर्कनु परेको थिएन। कुनै प्रशिक्षकबिनै मैले सफलता हात पारिरहेको थिएँ। लक्ष्मण दाईले बेलाबखत दिने ‘ट्रेनिङ टिप्स’ले पनि हरेक दौडमा दोस्रो/तेस्रो स्थान हात पारिरहेकै थियो।
