अमेरिकामा शरण खोज्नेहरूको संख्यामा केही वर्षयता ठूलो बढोत्तरी भएको छ ।
युएससीआईएसको पछिल्लो प्रतिवेदनअनुसार सन् २०१८ मा अमेरिकामा शरणका लागि आवेदन दिनेहरूको संख्या एक लाख ५९ हजार चार सय ७३ जना पुगेका छन् ।
यसअघि सन् २०१४ मा ४७ हजार एक सय ३७ जनाले शरण मागेका थिए ।
यी दुई संख्याको बीच तुलना गर्दा यस बीचमा आवेदन दिने शरणार्थीको संख्या २३८.३ प्रतिशतले बढेको छ ।
यो पनि हेर्नुहोस्
आफ्नै छोराले सडकमा पुर्याएको आमाको कथा
अमेरिकी राष्ट्रपति ट्रम्प आप्रवासीप्रति कठोर रहदै आएका छन् । उनी राष्ट्रपति भएयता शरणार्थीका मुद्दा छिनोफानो गर्ने क्रम तिब्रगतिले अगाडि बढेको छ । अस्वीकृत हुनेको संख्या पनि ह्वात्तै बढेको छ ।
अब त शरण माग्नेको संख्या पनि ह्वात्तै घट्नेछ । राष्ट्रपति ट्रम्पको पछिल्लो नीति अनुसार दक्षिण सिमाबाट आएर अमेरिकामा शरण माग्नका लागि बाटोमा पर्ने तेस्रो मुलुकमा शरणका लागि आवेदन दिएर अस्वीकृत भएको प्रमाण पेश गर्नुपर्ने छ । लामो कानूनी लडाईंपछि सर्वोच्च अदालतले पनि ट्रम्पको यो नीतिलाई हरियो बत्ती बालिदिईसकेको छ ।
