अमेरिकाको पश्चिमतटीय राज्य क्यालिलोर्नियाको गिलरोयमा आयोजित गार्लिक फेस्टिबलमा गोलीबारी जारी छ ।
उत्तरी क्यालिफोर्नियाको यो ठूलो फेस्टिबलमा सहभागीहरूको भाडदौड मच्चिएको छ ।
प्रहरीले धेरै संख्यामा हताहती र घाइते हुने सम्भावना रहेको बताए पनि यति नै संख्या भनेर भन्न सकेको छैन । उसले अहिले पनि त्यहाँ गोलीबारी जारी रहेको बताएको छ ।
स्थानीय सञ्चारमाध्यमहरूले भिन्न भिन्न संख्यामा हताहती भएको बताइरहेका छन् ।
यसैबीच अमेरिकी राष्ट्रपति डोनल्ड ट्रम्पले टि्वट गरी सुरक्षाकर्मी घटनास्थलमा पुगेर आवश्यक कारबाहीमा जुटेको बताएका छन् ।
क्यालिफोर्नियाकी सिनेटर कमला ह्यारिसले घटनालाई नजिकबाट नियालिरहेको बताएकी छिन् ।
