आज असार १५ । नेपालमा दही च्यूरा खाँदै रोपाई गरेर धान दिवश मनाइदैछ ।
असारे भाकामा लोकदोहोरी गाउँदै छुपुछुपु धान रोपाई गरिने आजको दिनलाई विशेष दिनका रूपमा लिइन्छ । आज युवा लाठे र युवती रोपाहारले खेतका गराको हिलो छ्यापाछ्याप गरेर मनोरञ्जन गर्छन् ।अनि खाजाका रूपमा दही च्यूरा खाने गर्छन् ।
नेपालमा असार १५ लाई दही च्यूरा खाने पर्वकै रुपमा मनाउने गरिएको छ । आज धेरैजसो नेपालीको दिउँसोको खाजा दही च्यूरा नै हुने गर्छ ।
केही वर्ष यता सरकारले असार १५ लाइ धान दिवशका रूपमा मनाउन थालेको छ । विभिन्न पार्टीका किसान नेताहरू पनि आजको दिन खेतको गरामा पस्ने गरेका छन् ।
पोखरालगायतका पर्यटकीय स्थानमा विदेशी पर्यटकहरू हिलेजात्रामा सहभागी हुन्छन् । हिलेजात्रा हिजोआज युवायुवतीमाझ रमाइलो गर्ने मौकाका रूपमा लिन थालिएको छ ।
.jpg)
