'युएई’ को दुबई सहरमा नेपाली सांङ्गीतिक कार्यक्रम हुने भएको छ।

नेपाल आईडलका बिजेता रवि ओड, फष्ट रनरअप बिक्रम बराल, सेकेण्ड रनरअप सुमित पाठक र थर्ड रनरअप अस्मिता अधिकारीको साथमा युएईको दुवईमा आउँदो मार्च ८ तारिख शुक्रबार 'गोर्खाली नाईट' हुने भएको हो ।

विषेश अतिथि कलाकारका रूपमा पछिल्लो समयको चर्चित गीत सालको पात टपरीका गायक कुलेन्द्र बिक र गायिका शोभा त्रिपाठी रहेको यस कार्यक्रममा १५९ थरीका आवाज प्रस्तुत गरेर गीनिज बुकमा विश्व रेकर्ड कायम गरेका रमेश दुलाल 'कागे' को पनि प्रस्तुती रहने आयोजक 'मदन अधिकारी' र 'मनोज गोर्खाली'ले जानकारी दिएका छन्।

डिजे फरे को साथमा दुवईको Grand Excelsior Hotel मा आयोजना हुने यस कार्यक्रममा नायिका 'एलिना रायमाझी' र 'नम्रता लामा'को आकर्षक नृत्य रहने छ ।

मनोज गोर्खाली र मदन अधिकारीको प्रस्तुति रहेको यस गोर्खाली नाईट २०१९को सम्पूर्ण कार्यक्रम संचालनको जिम्मा सुवास शर्मा र विवेक खतिवडाले लिएका छन्।