काठमाडौं । मुलुकको शोधनान्तर स्थिति १२ महीनापछि बचतमा आएको छ । गत आर्थिक वर्षभरि घाटामा रहेको शोधनान्तर स्थिति चालू आव २०७६/७७ को पहिलो महीना अर्थात् साउनमा भने रू. ६ अर्ब ५ करोडले बचतमा आएको हो ।
नेपाल राष्ट्र बैंकले मंगलवार सार्वजनिक रहेको मुलुकको वर्तमान आर्थिक तथा वित्तीय स्थिति प्रतिवेदनले चालू खाता घाटामा पनि केही सुधार आएको देखाएको छ । अघिल्लो साउनमा रू. २५ अर्ब घाटामा रहेको चालू खाता यो साउनमा रू. ९ अर्ब ३७ करोडमा सीमित छ ।
