काठमाडौं- संवैधानिक व्यवस्था अनुसार आगामी आर्थिक वर्ष २०७६/७७ को बजेट जेठ १५ गते आउँदै छ। बजेट निर्माणको काम धमाधम भइरहेको छ।
आगामी आवको लागि सरकारले ल्याएको नीति तथा कार्यक्रम पनि संसद्बाट पारित भइसकेको छ भने अर्थमन्त्री डा युवराज खतिवडाले संसदमा पेस गरेको 'बजेट विनियोजन विधयेक २०७६’ को प्राथमिकता र सिद्धान्तमाथि पनि छलफल सकिएको छ।
अर्थ समितिले विभिन्न ठाउँमा गरेको छलफलबाट आएको सुझाव पनि अर्थमन्त्रीलाई दिइसकेको छ।
नीति तथा कार्यक्रम र सरकारको विनियोजन विधेयकमा समावेश भएको प्राथमिकताको क्षेत्र र सिद्धान्त, चालु आवको बजेट खर्च र आगामी बजेटका विषयमा नेपाल लाइभका सुमन शर्माले पूर्व अर्थसचिव रामेश्वर खनालसँग गरेको भिडियो वार्ता :
