३० चैत, । पूर्वोत्तर भारतीय राज्य मणिपुरसँग काठमाडौंको कुनै प्रशासनिक नाता छैन । मान्मारसँग सीमाना जोडिएको मणिपुरको दक्षिणी गाउँ मोरेसँग त झनै छैन । २ हजार २ सय किलोमिटर पूर्वको यही गाउँ एक महिनाअघि एकाएक काठमाडौंमा चर्चित भइदियो । मोरे त्यही गाउँ हो, जहाँबाट बिक्रीका लागि थाइल्याण्ड लगिँदै गरेका १२२ जना नेपाली चेलीको उद्धार गरिएको थियो ।
काँकरभिट्टा नाका छलेर बर्मा (म्यान्मार) कटाउने उद्देश्यले मोरेमा राखिएका ती चेलीहरुको उद्धार हुनुको पहिलो कारण हो, नेपाली भाषा । मानव तस्करहरुले उनीहरुलाई नेपालीभाषी गाउँका होटल र घरहरुमा राखेका थिए ।
