१३औं दक्षिण एसियाली खेलकुद (साग) अन्तर्गत टेबलटेनिसको पुरुष सिंगल्समा नेपालले ऐतिहासिक कास्य हात पारेको छ।
लैनचौरस्थित टेबलटेनिस हलमा शुक्रबार भएको सेमिफाइनलमा नेपालका स्यान्टु श्रेष्ठ र पुरुषोत्तम बज्राचार्य पराजित भएपछि कास्य पाएका हुन्।
सेमिफाइनलमा स्यान्टु भारतका अमलराज एन्थोनिसँग ४–० ले पराजित भए। स्यान्टुलाई अमलराजले ११–४,१२–१०,११–८ र ११–२ ले हराए।
अर्को सेमिफाइनलमा पुरुषोत्तम बज्राचार्य भारतका हर्मित देशाईसँग ४–० ले नै पराजित भए । पुरुषोत्तम ११–५,११–४,११–१ र ११–४ मा पराजित भए।
