प्रधानमन्त्री केपी शर्मा ओली अस्पताल भर्ना भएका छन्। स्वास्थ्यमा समस्या देखिएपछि प्रधानमन्त्री ओलीलाई महारागञ्जस्थित मनमोहन कार्डियोथोरासिक भास्कुलर एण्ड ट्रान्सप्लान्ट सेन्टरमा पुर्याइएको हो। उनलाई बिहान ९ बजेतिर अस्पताल लगिएको हो।
ओलीलाई एपेन्डिसाइटिस भएपछि तत्काल अस्पताल लगिएको थियो । उनको एपेन्डिसाइटिसको अपरेशनको तयारी गरिएको छ ।
प्रेस सल्लाहाकार सूर्य थापाका अनुसार प्रधानमन्त्री नियमित स्वास्थ्य प्ररीक्षणका लागि अस्पताल गएका हुन्। परीक्षणका क्रममा चिकित्सकले भर्ना भएर बस्न सल्लाह दिएपछि उनी भर्ना भएको थापाले जानकारी दिए ।
आइतबार मात्र प्रधानमन्त्री ओली ग्राण्डी अस्पतालमा मिर्गौलाको नियमित डाइलायसिस गरेर फर्किएका थिए।
