नेपालमा हुने दक्षिण एसियाली खेलकुद (साग) को पुरुष फुटबलमा नेपाल समूह ए मा परेकाे छ।
शुक्रबार एन्फा कम्प्लेक्स सातदोबाटोमा सार्वजनिक गरिएको खेलतालिका अनुसार समूह ए मा नेपालसँगै बंगलादेश र भुटान रहेका छन् ।
यस्तै समूह बी मा भारतसँगै माल्दिभ्स र श्रीलंका रहेका छन् ।
पुरुष फुटबलमा नेपाल अघिल्लो संस्करणको विजेता हो। नेपालले १२ औं सागको फाइनलमा भारतलाई हराएर स्वर्ण जितेको थियो।
पुरुष फुटबलका खेलहरु दशरथ रंगशालामा हुनेछ। लिग नकआउटका आधारमा खेल हुने र समूहको शीर्ष दुईमा रहने टिम सेमिफाइनल पुग्नेछ।
पहिलो खेल नेपाल र बंगलादेशबीच हुनेछ।
