युएईमा जारी टी–१० क्रिकेट लिगमा नेपाली राष्ट्रिय क्रिकेट टिमका लेग स्पिनर सन्दीप लामिछा सम्मिलित टिम कर्नाटका टुसकेर्सले लगातार दोस्रो हार व्यहोरेको छ।
सोमबार भएको खेलमा डेकन ग्लाडीयटर्ससँग ५ विकेटले पराजित हुँदै कर्नाटकाले लगातार दोस्रो हार व्यहोरेको हो। आबुधाबीमा कर्नाटकाले दिएको १ सय ११ रनको लक्ष्य ग्लाडीयटर्सले ८ ओभर ३ बलमा मात्र ५ विकेट गुमाएर पुरा गर्यो।
ग्लाडीयटर्सका लागि केइरण पोलार्डले अविजित ४५ रन जोड्दा भानुका राजपाक्षले २७ रन जोडे।
कर्नाटकाका शापुर जाड्रनले २ विकेट लिए।
ग्लाडीयटर्सविरुद्ध सन्दीपले २ ओभरमा ३५ रन खर्चिए। तर, विकेट लिन सकेनन्। आफ्नो पहिलो ओभरमा बाउन्ड्री नदिइँ ५ रन दिएका सन्दीपले दोस्रो ओभरमा ३० रन खर्चिएका थिए।
सन्दीपलाई डेकनका केइरन पोलार्डले लगातार ४ छक्का प्रहार गरेका थिए। उनले पाँचौ बलमा चौका प्रहार गर्दा अन्तिम बलमा २ रन लिएका थिए।
अन्तिम बलमा क्याच ड्रप हुँदा सन्दीपको नाममा विकेट हुन सकेन। सन्दीपले पहिलो खेलमा १ र दोस्रो खेलमा २ विकेट लिएका थिए।
यस अघि टस हारेर पहिले ब्याटिङ गरेको कर्नाटकाले निर्धारित १० ओभरमा ३ विकेट गुमाएर १ सय १० रन बनाएको थियो।
कर्नाटकाका लागि जोनसन चार्ल्सले सर्वाधिक ३५ रन बनाए।
यस्तै कप्तान हसिम अल्मलाले अविजित ३२, एभिन लुइसले २३, रोस व्हाइट्लीले १३ रन बनाए।
ग्लाडीयटर्सका जाहिर खान, फवाद अहमेद र मिगेल प्रेटोरिएसले समान १/१ विकेट हात पारे।
यो हारसँगै समूह एको कर्नाटकाले ३ खेलमा २ अंक जोडेको छ।
