भारतमा जारी यू–१९ च्यालेन्जर्स एकदिवसीय क्रिकेट प्रतियोगिता अन्तर्गत तेस्रो खेलमा नेपालले आज शुक्रबार भारत बीसँग प्रतिस्पर्धा गर्दैछ ।
अघिल्ला दुई खेलमा लगातार हार व्यहोरेको नेपालको तेस्रो खेल हैदरवादमा ९ः१५ मा सुरु हुनेछ ।
कुनै पनि खेल नजितेको नेपालले आज जित हात पार्न चाहान्छ ।
तर नेपालभन्दा बलियो टिम भारत बीसँग उत्कृष्ठ प्रर्दशन गर्नुपर्ने हुन्छ ।
यसअघि लज्जास्पद हार चाखेको नेपालले आज व्याटिङ र बलिङमा सुधार गर्नुपर्ने हुन्छ ।
यस अघि पहिलो खेलमा नेपाल भारत सीसँग १० विकेटले पराजित भएको थियो ।
यस्तै दोस्रो खेलमा भारत ए टिमसँग १ सय ७ रनले पराजित भएको थियो ।
