श्रीमतीलाई खुकुरी प्रहार गरी गम्भीर घाइते बनाएको आरोपमा प्रहरीले सोलुखुम्बुमा एक जनालाई पक्राउ गरेको छ ।
४० वर्षीया श्रीमती भगवती नेपालीलाई खुकुरी प्रहार गरी गम्भीर घाइते बनाएको आरोपमा सोताङ गाउँपालिका–५ का ४२ वर्षीय शिव नेपालीलाई प्रहरीले शनिबार साँझ पक्राउ गरेको हो ।
ईलाका प्रहरी कार्यालय सोताङका अनुसार घाइते भगवतीको प्राथमिक स्वास्थ्य केन्द्र सोताङमा उपचार भइरहेको छ । शिवलाई नियन्त्रणमा लिएर थप अनुसन्धान भइरहेको प्रहरीले जनाएको छ ।
