अमेरिकाले सन् २०१९ मा नेपाललाई एकसय ३० मिलियन अमेरिकी डलर सहयोग प्रदान गरेको छ ।
नेपालका लागि अमेरिकी राजदूत र्यान्डी बेरी यसको जानकारी गराएका छन् ।
यो सहयोग युएसएड एसियाका तर्फबाट दिइएको बताउँदै यसका लागि त्यस परियोजना प्रमुख ग्लोरिया स्टिललाई धन्यवाद दिएका छन् ।
केही समयअघि स्टीलले नेपालको भ्रमण गरेकी थिइन् । त्यसका लागि राजदूत बेरीले उनलाई धन्यवाद पनि दिएका छन् ।
अमेरिकाले नेपाललाई दिदै आएको सहयोगमा एक पेनी पनि कम हुदैन । हामी समृद्ध नेपाल र सुखी नेपालीको यात्रामा साथै रहनेछौैं ।
र्यान्डी बेरी, नेपालका लागि अमेरिकी राजदूत
राजदूत बेरीले उक्त सहयोग राशी नेपालको स्वास्थ्य र शिक्षा, सुशासन, कृषिको आधुनिकीरण र वन्यजन्तु संरक्षणका लागि उपयोग गरिएको पनि बताएका छन् ।
अमेरिकाको राष्ट्रपतिमा डोनल्ड ट्रम्पले जितेपछि वैदेशिक सहयोगको ठूलो राशी कटौती गरिएको थियो । त्यो कटौती नेपालका लागि पनि हुने अनुमान गरिएको थियो । तर, त्यसो नभएर नेपालले पाउँने अमेरिकी सहयोगमा निरन्तर वृद्धि हुँदै आएको छ ।
यही क्रममा राजदूत बेरीले भनेका छन्- ' अमेरिकाले नेपाललाई दिदै आएको सहयोगमा एक पेनी पनि कम हुदैन । हामी समृद्ध नेपाल र सुखी नेपालीको यात्रामा साथै रहनेछौैं ।'
