गोरखा नगरपालिका–१२, आठकिलोमा आइतबार बिहान नक्कली बम फेला परेको छ । बमको हल्लाले केहीबेर त्रास फैलिएको थियो ।
शंकास्पद वस्तु भेटिएको सूचनापछि निरीक्षक नेतृत्वको एक प्रहरी टोली त्यसतर्फ गएको थियो ।
टोलीले खतरा लेखिएको कार्टुनभित्र बम नभएर माटो र तामाको तार मात्र फेला पारेको नेपाल प्रहरीका एसपी ओमप्रसाद अधिकारीले जानकारी दिए ।
‘बम भेटिएको सूचना पाएपछि गएको प्रहरी टोलीले खोजी गर्दा उक्त वस्तु बम नभएको खुलेको छ’, एसपी अधिकारीले भने ।
