म्यानचेस्टर युनाइटेडका मिडफिल्डर पाउल पोग्बा डिसेम्बरसम्म मैदानबाहिर नै हुने भएका छन् ।
खुट्टामा चोट लागेका पोग्बाले सेप्टेम्बरमा आर्सनलविरुद्धको खेल खेलपछि मैदान बाहिर नै रहँदै आएका छन् ।
म्यानचेस्टर युनाइटेडका मुख्य प्रशिक्षक ओले गुनर सोलस्कजरका अनुसार २६ वर्षीय पोग्बा लामो समयसम्म मैदानबाहिर नै रहने भएका छन् ।
‘उनलाई पूरै निको हुनका लागि समय चाहिएको छ । आशा गरौं उनी निकै चाँडो निको हुने छन्’, प्रशिक्षक गुनरले भने ।
म्यानचेस्टर युनाइटेडले आइतबार राति नर्विच सिटीलाई ३–१ गोलअन्तरले पराजित गरेको थियो ।
नर्विचको मैदानमा युनाइटेडलाई जित दिलाउन स्कोट टोमीने, मार्कोस राष्फोर्ड र एन्थोनी मार्सियलले एक एक गोल गरे ।
नर्विचका ओनेल हर्नान्डेजले एक गोल फर्काए ।यसै खेलबाट युनाइटेडले प्रिमियर लिगमा बिपक्षि टिमविरुद्ध २ हजार गोल पुरा गर्दै कीर्तिमान बनाएको छ ।
युनाइटेड लिगमा २ हजार गोल पुरा गर्ने पहिलो क्लब बनेको छ ।
लिगको सातौं स्थानमा उक्लिएको म्यानचेस्टर युनाइटेडले १० खेलबाट १३ अंक बनाएको छ ।
