वीरगन्ज महानगरपालिकाका नगरप्रमुख विजय सरावगीले वीरगन्जको समग्र विकास र व्यवस्थापनमा स्वयंसेवी समूहको ठूलो भूमिका रहेको बताएका छन्।
सामाजिक एवं मानवीय सेवा गर्ने युवाहरु समुहद्वारा बिहिबार आयोजित दिपावली र छठपर्वको शुभकामना आदानप्रसाद कार्यक्रम बोल्दै नगरप्रमुख सरावगीले उक्त कुरा बताएका हुन्। उनले भने,'महत्त्वपूर्ण काम कारबाहीमा सहयोग पुर्याउनेसँग सबै खाले सहयोग आदानप्रदान गरिनेछ ।'
वीरगन्जको स्वयंसेवी समुहले पछिल्लो समय प्रभावकारी गतिविधि गर्दै आएको बताउँछन् प्रमुख जिल्ला अधिकारी नारायण प्रसाद भट्टराई।'स्वयंसेवी समुहले दशैको बेला ट्राफिक जाम जस्तो जटिल बनेको समस्यालाई छोटो सायमा प्रभावकारी व्यवस्थापन गरेको छ।' उनले भने,'आउँदा दिनमा समुहले नयाँ योजना बनाई वीरगन्जको विकासमा हातेमालो गर्ने आशा छ।'
स्वयंसेवी समुहले शुभकामना आदानप्रदान कार्यक्रम नयाँ तवरले गोलाप्रथाबाट सुरुवात गरेको थियो। कसैलाई ठुलोसानो नभनी सबैलाई अतिथि बनाइएको कार्यक्रमा जिल्लाका सबै सरोकारवालाको उपस्थिति रहेको थियो।
