प्रिमियर लिग फुटबलमा शीर्ष स्थान रहेको लिभरपुल म्यानचेस्टर युनाइटेडसँग बराबरीमा रोकिएको छ ।
आइतबार भएको खेलमा लिभरपुलले घरेलु टिमसँग १–१ गोलको बराबरी खेलेको हो । लिभरपुलको लागि एडम लालनाले गोल गरेका थिए भने युनाइटेडका लागि मार्कोस राष्फोर्डले गोल गरेका थिए ।
खेलको ३६ औं मिनेटमा राष्फोर्डले गोल गर्दै घरेलु टोलीलाई अग्रता दिलाएका थिए । खेलको ४४ औं मिनेटमा साडियो मानेले गोल गरे पनि भीएआर पद्दतिले त्यसलाई गोलको मान्यता दिएन । मानेले बल कन्ट्रोल गर्दा ह्यान्ड गरेका थिए । जसको कारण उक्त गोलले मान्यता पाएको थिएन ।
खेलको पहिलो हाफ लिभरपुलले गोल गर्न नसक्दा युनाइटेडले १–० को अग्रता लियो ।
तर खेलको ८५ औं मिनेटमा लालनाले गोल गर्दै लिभरपुललाई १–१ को बराबरीमा ल्याए ।
युनाइटेडसँग बराबरीमा रोकिएपनि लिभरपुलले शीर्ष स्थानको अग्रता कायम राखेको छ । लिभरपुलले ९ खेलबाट २४ अंक जोडेको छ । ९ खेलमा १० अंक जोडेको युनाइटेड १३ औं स्थानमा छ ।
