फ्रेन्च लिग वान फुटबलमा साविक विजेता पेरिस सेन्ट जर्मेन (पीएसजी) ले जित हात पारेको छ ।शनिबार राति भएको खेलमा पीएसजीले बोर्डूअक्सलाई १–० गोल अन्तरले पराजित गरेको हो ।

बोर्डूअक्सको घरेलु मैदानमा भएको खेलमा पीएसजीको जितमा एक मात्रै गोल नेयमारले गरे । पहिलो हाफ गोलरहित बराबरीमा सकिएको खेलको ७० औं मिनेटमा नेयमारले निर्णायक गोल गरेका थिए ।

जितसँगै पीएसजी लिगको शीर्ष स्थानमा उक्लिएको छ । पीएसजीले ८ खेलमा १८ अंक जोडेको छ । पराजित बोर्डूअक्स १२ अंक जोडेर लिगको पाँचौं स्थानमा छ ।