लगातार ६ वटा सुपरहिट चलचित्र दिने क्रममा नायक आयुष्मान खुरानाले दोश्रो पटक बक्स अफिसमा सेन्चुरी मारेमा छन् । उनको मुख्य भूमिका रहेको चलचित्र ‘ड्रिम गल’ले बक्स अफिसमा सय करोड क्लबको आँकडालाई छोएको हो ।

चलचित्र दोश्रो साताको शुक्रबार ५.३० करोड, शनिबार ९.१० करोड, आइतबार ११.०५ करोड र सोमबार ३.७५ करोडको व्यापार गरेको थियो । योसँगै चलचित्रको व्यापार १०१.४० करोड पुगेको छ ।

यो चलचित्र भन्दा एक साता अगाडि मात्र रिलिज भएको ‘छिछोरे’ले पनि बक्स अफिसमा सय करोड क्लबको आँकडा पार गरिसकेको छ । आयुष्मानले अभिनय गरेको ‘बधाई हो’ पछि चलचित्र ‘ड्रिम गल’ले सय करोडको आँकडा छोएको हो ।