पप गायिका माइली साइरसले महिना दिनअघि मात्रै पति लिअम हेम्सवर्थसँगको सम्बन्ध तोडेकी थिइन् ।

सम्बन्धविच्छेदको कारणलाई दुवैले गुपचुप नै राख्दै एकले अर्काको सम्मानमा गर्ने मिडियालाई बताएका थिए । तर लिअमबाट अलग्गिएको केही दिनमै माइली ३१ वर्षीया ब्लगर केटलिनसँग सार्वजनिक रूपमा चुम्बन गर्दै गरेको अवस्थामा भेटिइन् ।सोही समय केटलिन पनि ब्रुडी जेन्नरसँग सम्बन्ध तोडेर माइलीसँग नजिकिएकी थिइन् ।

गत अगस्टको दोस्रो साता इटाली भ्रमणमा छँदा यी दुई युवतीले चुम्बन साटासाट गरेर समलिंगी सम्बन्धमा रहेको जानकारी दिएको डेढ महिना पनि बित्न नपाउँदै यतिबेला छुट्टिएका छन् ।

शुक्रबारको एम्मी अवार्डको पार्टीमा केटलिन एक्लै उपस्थिति थिइन् भने माइली अनुपस्थित रहिन् । माइलीले लिअमसँगको दशक लामो प्रेम सम्बन्धलाई विवाहमा परिणत गरेको वर्ष दिन पनि नबित्दै अगल भएकी थिइन् ।