अभिनेत्री गौरी मल्लले फिल्म ‘सन्तान’ बाट नेपाली सिनेमामा डेब्यू गरेकी हुन्। फिल्म ‘कन्यादान’ ले उनलाई लोकप्रिय बनायो। पछिल्लो समय उनी ‘सिंहदरबार’ सिरिजमा देखिएकी थिइन्। अन्नपूर्ण सम्पूर्णका लागि अस्मिता खड्काले गौरीमल्लको प्रोफाइल (बतासे डाँडाले सम्झिरहने गौरी मिस) तयार पारेकी छिन् ।

गौरी मल्ल २०२९ सालमा काठमाडौँ, नक्सालमा जन्मिएकी थिइन्। बाल्यकाल काठमाडौँमै बित्यो। बुबा नेपाली सेनामा थिए। आमा गृहिणी थिइन्। तीन जना दिदीबहिनीमध्ये गौरी माइली हुन्। शिवपुरी माध्यमिक विद्यालयबाट सुरु भएको उनको शिक्षा यात्रा कान्तेश्वरी विद्यालयमा आईएसँगै टुंगियो। यतिबेलासम्म अभिनय यात्रा भने सुरु भइसकेको थियो।