इटालियन सिरी ‘ए’ फुटबलमा नेपोलीले लिसमाथि ४–१ को फराकिलो जित निकालेको छ ।आइतबार राति भएको खेलमा नेपोलीको जितमा फर्नान्डो लोरेन्टेले दुई तथा लोरेन्जे इनसिग्ने र फावियनले समान एक गोल गरे । घरेलु टोलीका मार्को मनकोसुले सान्त्वना गोल फर्काए ।

नेपोलीले खेलको २८औं मिनेटमा फर्नान्डो लोरेन्टेको गोलबाट अग्रता लिएको थियो । ४०औं मिनेटमा इनसिग्नेले गोल गर्दै नेपोलीलाई पहिलो हाफमा २–० ले अघि बढाए ।

५२औं मिनेटमा फावियनले गोल गर्दै नेपोलीलाई ३–० को अग्रता दिलाए। त्यस्तै खेलको ६१औं मिनेटमा मार्कोले पेनाल्टीमा गोल गर्दै घरेलु टोलीलाई खेलमा फर्काउने संकेत दिए । तर फर्नान्डो लोरेन्टले गोल गर्दै घरेलु टोलीलाई ४–१ को हार चखाए ।

जितसँगै नेपोली ४ खेलबाट ९ अंक जोडेर तेस्रो स्थानमा उक्लिएको छ । लिस ३ अंक जोडेर १८औं स्थानमा छ ।

गएराति नै भएको खेलमा ससुलोविरुद्ध एसपाल ३–०,साम्पोडोरियाविरुद्ध टोरिनो १–० र लाजियोविरुद्ध पर्मा २–० विजयी भए । यता बोलोग्नाविरुद्ध रोमा १–२ हुँदा एटलान्टा र फियोरेन्टिना २–२ गोलमा रोकिए ।