सन् २०२० मा नेपाल भ्रमण वर्ष मनाउने घोषणा गरेको नेपालले आउँदो साउन १ गतेदेखि लागु हुने गरी नेपालले भिसा शुल्क बढाएको छ ।
अध्यागमन विभागका अनुसार अब नेपाल आउने विदेशीले कम्तिमा पनि १५ दिने भिसा लिँदा २५ अमेरिकी डलर तिर्दैआएकोमा अब ३० अमेरिकी डलर तिर्नुपर्नेछ । यस्तो भिसा थप्नुपरेमा यसअघि दिनको दुई डलर तिरेपुग्नेमा अब तीन डलर तिर्नुपर्ने हुन्छ ।
यस्तो भिसा बहुप्रवेशी भएमा २५ डलर तिर्नुपर्नेछ। यसअघि त्यसका लागि २० डलर तिरे पुग्थ्यो ।
यसैगरी अन्य प्रकारका भिसाको पनि शुल्क बढाइएको छ ।
अध्ययन भिसाका लागि प्रतिमहिना ५ डलर बढाएर १० डलरबाट १५ डलर पुर्याइएको छ । यसैगरी, गैरपर्यटक भिसाको न्यूनतम् शुल्क पनि ५ डलबरबाट बढाएर १० डलर गरिएको छ ।
आवासीय भिसा शुल्क वार्षिक ५०० डलर पुर्याइएको छ । यसअघि यस्तो भिसा शुल्क २०० डलर तिरे पुग्थ्यो ।
व्यावसायिक भिसा शुल्क प्रतिमहिना १० डलरबाट २० डलर पुर्याइएको छ ।
३० दिनको बहुप्रवेशी भिसा शुल्क ४० बाट बढाएर ५० अमेरिकी डलर भएको छ भने ९० दिनको भिसा शुल्क १०० बाट बढेर १२५ अमेरिकी डलर पुगेको छ ।
एकातिर नेपाल भ्रमण वर्ष २०२० घोषणा गरेर विदेशीलाई नेपाल भ्रमणका लागि आव्हान गरिदैछ छ भने त्यहीबेला उनीहरूलाई नेपाल पस्ने र बस्ने भिसाको दर भने बढाइदैछ । सरकारको यो निर्णयलाई सम्बन्धित क्षेत्रका विज्ञहरूले गलत समयमा आएको गलत निर्णय भनेका छन् । यसबाट गलत सन्देश जाने भएकाले यसले नेपाल भ्रमण वर्षलाई प्रभावित पार्न सक्ने आशंका पनि व्यक्त गरिएको छ ।
.jpg)
.JPG)
