आज प्रकाशित गरिने भनिएको यस वर्षको माध्यमिक शिक्षा परीक्षा (एसईई) को नतिजाको नेपालभर प्रतिक्षा भैरहेको छ ।
परीक्षा नियन्त्रण कार्यालय सानोठिमीले एसइई परीक्षाको नतिजा प्रकाशनको तयारी अन्तिम चरणमा पुगेको जानकारी दिएको छ । उपनियन्त्रक चेतनाथ शर्माले ब्रेक एन लिंक्ससँग कुराकानी गर्दै आजै परीक्षाफल सार्वजनिक गर्ने गरी तयारी भैरहेको बताए । उनले कुनै प्राविधिक त्रुटी भए मात्र भोलि नतिजा सार्वजनिक गर्ने पनि जानकारी दिए ।
परीक्षाको नतिजा विभिन्न वेवसाइट, एसएमएस र आइभिआरबाट हेर्न सकिने व्यवस्था गरिएको छ ।
विसं २०७५ चैत १० गतेदेखि सञ्चालन गरिएको एसइई परीक्षामा कूल चार लाख ७५ हजार तीन परीक्षार्थी सहभागी भएका थिए ।
.JPG)
