काठमाडौं । राजनीतिक अस्थिरता, गैर जिम्मेवार नेतृत्व र त्यसले समाजमा परेको प्रभावप्रति आम जनताको असन्तुष्टि छ । त्यो असन्तुष्टि कहिले सडकमा देखिन्छ त कहिले सामाजिक सञ्जालमार्फत पोखिन्छ । विशेषतः पछिल्लो समय व्यवस्था, सरकार, संस्था होस् वा व्यक्तिप्रतिको असहमति अथवा असन्तुष्टि पोख्नुपरे सामाजिक सञ्जाल सबैभन्दा सजिलो माध्यम भएको छ । 

फ्यान फलोइङ उच्च भएका व्यक्ति तथा सेलिब्रिटीलाई समाजिक सञ्जालमार्फत आफ्नो विचार सार्वजनिक गर्न झनै सजिलो छ । सामाजिक सञ्जालमार्फत आफ्नो विचार राखिरहने सेलिब्रिटीमा रेखा थापा पनि पर्छिन् । रेखा आफ्नो मनमा लागेको कुरा फेसबुक पेजमार्फत राखिहाल्छिन् ।