काठमाडौँ – राष्ट्रिय पुनर्निर्माण प्राधिकरणले निर्धारित समयमा आफ्नो लक्ष्य हासिल गर्न नसक्नेमा आशंका बढिरहेका बेला त्यसका प्रमुख कार्यकारी अधिकृत सुशील ज्ञवालीले प्राधिकरणलाई थप एक वर्ष समय दिन सक्ने अधिकार सरकारसँग भएको बताएका छन् र,त्यो थपिन सक्ने समेत संकेत गरेका छन्।
भूकम्बाट क्षतिग्रस्त संरचनाको पुनर्निर्माणका लागि गठित प्राधिकरणलाई आवश्यक परेमा सरकारले थप एक वर्ष दिन सक्ने संवैधानिक अधिकार भएको ज्ञवालीले बताएका हुन्।
