काठमाडौं, वैशाख ९ : जन्मे–हुर्केको देश म्यान्मारबाट रातारात भागेर शरणार्थीको रुपमा सैयौं कोश दूर नेपाल आइपुग्दा पनि रोसिदा बेगमले त्यति कमजोर र असहाय महशुस गरेकी थिइनन्, जति अहिले गर्दैछिन्।
काठमाडौंको कपनस्थित रोंहिग्या शरणार्थी शिविरको एउटा सानो झुप्रोमा बेगम अहिले ६ नाबालक सन्तानसहित श्रीमानकाे प्रतीक्षा गर्दैछिन्। उनलाई थाहा छैन – श्रीमान् फर्केर आउँलान् कि नआउँलान्, आएनन् भने यी लालाबाला बोकेर कहाँ जाने, के गर्ने?
उनका श्रीमान् ३८ वर्षीय जुबैर अहमद मजदुरी काम गर्दागर्दै चार महिनाअघि काठमाडौंबाट झापा पुगेका थिए। त्यहाँ काम सकेपछि श्रीमती र छोराछोरीका लागि सस्ताे कपडा किन्न सीमापारिको भारतीय बजार सिलीगुडी पुगेका थिए। त्यहाँ उनलाई भारतीय प्रहरीले पक्राउ गर्यो।
