काठमाडौं : यस पटक भने अस्मिता राजी भइन्। उनीसँग उम्कन कुनै बाटो थिएन। त्यसो त उनले केशवलाई समेत मन पराउन थालिसकेकी थिइन्।
एक वर्षसम्म आफूलाई नै कुरेर बसेपछि अस्मिताको मनमा केशवप्रति थप माया र विश्वास समेत पलाइसकेको थियो।
केशव भट्ट र अस्मिता भट्टराई (नाम परिवर्तन) दुवै खुशी थिए। खुशीको कारण थियो नजिकिँदै गरेको उनीहरूको बिहे। एक वर्षसम्मको चिनजान र प्रेम सम्बन्धलाई उनीहरू लगनगाँठोले बाँध्दै थिए।
परराष्ट्र मन्त्रालयमा शाखा अधिकृत रहेका भट्टको एक वर्ष अगाडि अस्मितासँग भेट भएको हो। केशवले एकवर्ष अगाडि नै उनीसँग विवाहको प्रस्ताव राखेका थिए। तर, पढाइ नसकी र काम नगरेसम्म विवाह नगर्ने अस्मिताले बताएकी थिइन्। त्यसपछि विवाहको कुरा टुङ्गिएको थियो।
