स्वतन्त्र विद्यार्थी युनियन(स्ववियु) निर्वाचनका लागि आज विद्यार्थीहरूले आआफ्नो संघ संगठनहरू दर्ता गर्दैछन्। आगामी चैतमा त्रिभुवन विश्वविद्यालय अन्तर्गतका सबै क्याम्पसहरूमा स्ववियु निर्वाचन हुँदैछ।
आज अपराह्न ३ बजेसम्म संघसंगठनहरू दर्ता भएपछि फागुन २१ गते मतदाता सूची प्रकाशित हुनेछ। सोही दिन हुने दाबीविरोधपछि साँझपख अन्तित नामावली प्रकाशित गर्ने कार्यक्रम छ।
त्यस्तै फागुन २६ मा उम्मेदवारहरूको मनोनयन र २८ गते उम्मेदवारहरूको नामावली प्रकाशित हुनेछ। दाबिविरोध र उम्मेदवारी फिर्तापछि फागुन २९मा उम्मेदवारहरूको अन्तिम नामावली प्रकाशित हुनेछ।
