संयुक्त राज्य अमेरिकाका राष्ट्रपति डोनल्ड ट्रम्पको कार्यकारी आदेशका कारण नेपालमा स्थगनमा परेको मिलेनिअम च्यालेन्ज कर्पोरेशन (एमसीसी) परियोजनाबाट अमेरिका सधैँका लागि पछि हट्ने सम्भावना आफूहरूले नदेखेको विज्ञहरूले बताएका छन्।
अर्थ मन्त्रालयले यसै साता परियोजनाको कार्यक्रम ९० दिन स्थगन गर्न एमसीसीले पत्र लेखेको जनाएको थियो।
नेपालमा अमेरिकाको मुख्य सहयोग कार्यक्रम एमसीसीमा अमेरिकी सरकारको एमसीसी कम्प्याक्ट कोषको ५० करोड अमेरिकी डलर अनुदान र नेपाल सरकारको १९.७ करोड अमेरिकी डलर लगानी छ। ज्यानुअरीमा अमेरिकाले प पाँच करोड अमेरिकी डलर थप गरेर एमसीसीको कुल बजेट ७४.७ करोड अमेरिकी डलर पुर्याएको थियो।
