धनुषाको धनुषाधाम नगरपालिकामा श्रीमानले श्रीमतीको हत्या गरेका छन्।
धनुषाधाम नगरपालिका-५ पर्वताका देवलाल ठाकुरले श्रीमती जनकपुरधाम उपमहानगरपालिकाको महुवा कपिलेश्वर माइती भएकी अन्दाजी २९ वर्षीया संगीता ठाकुरको हत्या गरेका हुन्।
प्रारम्भिक अनुसन्धानका अनुसार श्रीमानसँग राति करिब २ः३० बजे संगीताको झगडा हुँदा देवलालले टाउकोमा लौरो प्रहार गरि हत्या गरेको हुनसक्ने इलाका प्रहरी कार्यालय धनुषाधामले जनाएको छ। देवलालको मानसिक अवस्था सामान्य नरहेको स्थानीयवासीको भनाइ छ।
देवलाललाई धनुषाधाम प्रहरीले पक्राउ गरी अनुसन्धान प्रक्रिया अगाडि बढाएको छ। मृतकको शवलाई पोष्टमार्टमको लागि प्रादेशिक अस्पताल जनकपुरधामामा पठाइएको इलाका प्रहरी कार्यालय धनुषाधामले जानकारी दिएको छ।
