पूर्वप्रधानमन्त्री एवम् नेपाल समाजवादी पार्टी (नयाँ शक्ति)का संयोजक बाबुराम भट्टराई र राष्ट्रिय स्वतन्त्र पार्टी (रास्वपा)की सांसद साेविता गाैतमबीच भेटवार्ता भएकाे छ।
सांसद गाैतम पति गृहेन्द्र घिमिरेसँगै मंगलबार बिहान भट्टराईकै निवास पुगेर भेट गरेकी हुन्। साे क्रममा पूर्वप्रधानमन्त्री भट्टराई पत्नी हिसिला यामी पनि सहभागी थिइन्।
भेटमा देशको अर्थ-राजनीतिक अवस्था, वैकल्पिक राजनीतिको औचित्यलगायतका विषयमा छलफल भएकाे नयाँ शक्तिका संयोजक भट्टराईले जानकारी दिए।
'रास्वपा युवा सांसद सोबिता गौतम र युवा उद्यमी गृहेन्द्र घिमिरे दम्पत्तीसंग देशको अर्थ-राजनीतिक अवस्था, वैकल्पिक राजनीतिको औचित्य लगायत विविध विषयमा उपयोगी विमर्श', भेटपछि डा.भट्टराईले सामाजिक सञ्जालमा लेखेका छन्।
रास्वपाका सभापति रवि लामिछाने यतिबेला सहकारी ठगी प्रकरणमा प्रहरी हिरासतमा छन्। सभापतिमाथि प्रतिसाेध साँधेकाे दाबी गर्दै आएको अवस्थामा रास्वपाका नेताहरूले विभिन्न दलका नेताहरूसँग भेटवार्ता गरिरहेकाे छ।
