काठमाडौँको बानेश्वरमा रहेकाे साई स्वागत सहकारीकाे रकम हिनामिना गरेकाे आरोपमा भरत जंगम पक्राउ परेका छन्।
साई सहकारीकाे पूर्वअध्यक्ष रहेका जंगमलाई जिल्ला प्रहरी परिसर काठमाडौँको टोलीले आइतबार पक्राउ गरेको हो।
पीडितले उनीविरुद्ध काठमाडौँ महानगरपालिकामा निवेदन र प्रहरीमा जाहेरी दिएपछि उनलाई पक्राउ गरिएको हो।
अदालतबाट म्याद लिएर उनीमाथि अनुसन्धान अघि बढाइएको प्रहरीले जनाएको छ।
पूर्वगृमन्त्री एवम् राष्ट्रिय स्वतन्त्र पार्टी (रास्वपा)का सभापति रवि लामिछानेकी पत्नी निकिता पौडेल उक्त सहकारीकाे उपाध्यक्ष थिइन्।
