सिद्धार्थ बैंक नेपाल प्रिमियर लिग (एनपिएल)मा सन्दीप लामिछाने कप्तान रहेकाे विराटनगर किङ्ग्स दाेस्राे खेलमा पनि पराजित भएकाे छ।
विराटनगर मंगलबार कीर्तिपुरस्थित त्रिवि क्रिकेट मैदानमा दीपेन्द्रसिंह ऐरी कप्तान रहेकाे सुदूरपश्चिम राेयल्ससँग ९० रनले पराजित भएकाे हाे।
सुदूरपश्चिमले दिएकाे १८३ रनकाे लक्ष्य पछाएकाे विराटनगर १६.१ ओभरमा ९२ रन बनाएर अलआउट भयाे।
विराटनगरका लागि बसिर अहमदले २५, राजेश पुलामी मगरले १५ तथा अनिल खरेलले १० रन बनाउनुबाहेक अन्य खेलाडीले दाेहाेर अंका जाेड्न सकेनन्।
सुदूरपश्चिमका अविनास बाेहरा र स्कट कुग्गेलेइन्जले समान ३- ३ तथा ब्रान्डन म्यामुलेन, शाइफ जाइफ र इशान पाण्डेले १-१ विकेट लिए।
त्यसअघि टस हारेर पहिले ब्याटिङ गरेकाे निर्धारित २० ओभरमा ९ विकेट गुमाएर १८२ रन बनाएकाे थियाे।
सुदूरपश्चिमका लागि कप्तान ऐरीले अर्धशतक प्रहार गरे। उनले २४ बलमा ५ छक्का र ३ चाैका प्रहार गर्दै अविजित ५७ रन जाेडे।
त्यस्तै ब्रैंडन मैकमुलेनले ३६, विनाेद भण्डारीले २३, इशान पाण्डेले २१, शाइफ जाइफले १४ रन प्रहार गरे।
.jpg)
