नेपाल प्रिमियम लिग (एनपिएल)काे साेमबार भएकाे दाेस्राे खेलमा जनकपुर बाेल्ट्ससामु कर्णाली याक्स स्तब्ध भएकाे छ। जनकपुरसामु ८ विकेटकाे हार बेहाेर्दै कर्णाली याक्स स्तब्ध बनेकाे हाे।
जनकपुरकाे भने याे दाेस्राे जित हाे। यसअघि जनकपुरले उद्घाटन खेलमा विराटनगर किङ्ग्सलाई हराएको थियो।
साेमबार कर्णाली याक्सले दिएको १ सय ४२ रनको लक्ष्य जनकपुरले १५ ओभर १ बलमा मात्र २ विकेट गुमाएर भेटायो। जनकपुरका कप्तान अनिल शाहले नटआउट ६२ रन बनाए।
यस्तै आसिफ शेखले ३६ रन जोडे। कर्णालीका मौसम ढकाल र जीशान मक्सूदले १/१ विकेट लिए।
यसअघि कीर्तिपुरमा टस जितेर ब्याटिङ गरेको कर्णालीले २० ओभरमा ७ विकेट गुमाएर १ सय ४१ रन बनायो। कर्णालीका गुल्सन झाले ३६, अर्जुन घर्तीले ३३, कप्तान सोमपाल कामीले नटआउट २९ रन बनाए।
यस्तै भारतीय खेलाडी शिखर धवन १४ रनमा आउट भए। जनकपुरका मोहम्मद मोहसिनले २ विकेट लिए।
साेमबार बिहान भएकाे खेलमा चितवन राइनोजले काठमाडौं गुर्खाजलाई हराएको थियाे।
.jpg)
