सिद्धार्थ बैंक नेपाल प्रिमियर लिग (एनपिएल) को दोस्रो खेलमा चितवन राइनोजले काठमाडौं गुर्खाजलाई हराएको छ। सोमबार भएको खेलमा चितवन राइनोजले काठमाडौं गुर्खाजलाई ५ विकेटले हराएको हो।
टस हारी पहिले ब्याटिङको निम्तो पाएको काठमाडौं गुर्खाजले निर्धारित २० ओभरमा नौ विकेट गुमाएर एक सय ११ रन बनाएको थियो। जवाफी ब्याटिङमा ओर्लिएको चितवन राइनोजले भने १७.१ ओभरमै केवल पाँच विकेट गुमाएर विजय लक्ष्य पुरा गर्याे।
चितवनक लागि सन्तोष कार्कीले अविजित रहँदै सर्वाधिक २८ रन बनाए। सन्तोषले ३१ बल खेल्दै २ चौका र १ छक्का प्रहार गरे। लुक बेन्केन्सटेइनले २२ रन योगदान गरे। शरद भेषावकर ११ रनमा अविजित रहे।
काठमाडाैंका लागि शाहब आलमले ३ विकेट लिएपनि चितवनलाई जितबाट रोक्न पर्याप्त भएन। त्यसअघि सोहेन तनवीरले ५ विकेट लिएपछि टस हारेर पहिले ब्याटिङ गरेको काठमाडाैंले २० ओभरमा ९ विकेट गुमाएर १११ रन बनाएको थियो।
काठमाडौंका सुमित महर्जनले २९ र माइकल लेभिटले २५ रन बनाएका थिए। स्टेफन इस्किनाजी २, जेहार्ड एरासमस ४, भीम सार्की १, रसिद खान ४, कप्तान करण केसी १, शाहब आलम १ र शंकर राना ११ रन जोडेर आउट भए। ड्यान डौथवेट १९ र दीपेश कंडेल १ रनमा अविजित रहे।
बलिङमा चितवनका सोहेल तनवीरले सर्वाधिक ५ विकेट लिए। कप्तान कुशल मल्ल, रिजन ढकाल, ल्यूक मार्टिन बेनकेन्स्टाइन र अमंरसिंह रौटेलाले एकएक विकेट लिए।
आजै हुने अर्को खेल जनकपुर बोल्ट्स र कर्णाली याक्सबिच दिनको सवा १ बजे हुनेछ।
.jpg)
