नेपालको अर्थतन्त्र पुरानै प्रवृत्ति अर्थात् शिथिल अवस्थामै देखिएको छ । कोरोनापछि तङ्ग्रिन लागेको अर्थतन्त्र विभिन्न कारणले पछिल्लो डेढ–दुई वर्षदेखि शिथिल अवस्थामा छ । यो अवस्था अझै कायमै रहेकोे नेपाल राष्ट्र बैंकले मंगलबार सार्वजनिक गरेको देशको वर्तमान आर्थिक तथा वित्तीय स्थिति विषयक असोज मसान्तसम्मको प्रतिवेदनले देखाएको छ ।
यद्यपि, आर्थिक वृद्धि विकासका लागि पर्याप्त अवसर भएको संकेत पनि उक्त प्रतिवेदनले गरेको राष्ट्र बैंकका पूर्वकार्यकारी निर्देशक नरबहादुर थापाको भनाइ छ । उनले प्रतिवेदनअनुसार विदेशी मुद्रा सञ्चिति बढ्दै गएको छ । साथै, शोधनान्तर बचत पनि बढ्दो छ । यसैगरी ब्याजदर, आयात–निर्यात र मूल्यवृद्धि दर पनि घट्दो क्रममा छन् । यसले अर्थतन्त्र शिथिल अवस्थामै रहेको र सुधारको संकेत पनि नदेखिएको हो ।’
