राष्ट्रिय स्वतन्त्र पार्टी (रास्वपा) का पूर्वमहामन्त्री डा. मुकुल ढकालले आज पत्रकार सम्मेलन गर्ने भएका छन्।
उनले भेटघाट गर्ने भन्दै दिउँसो ३ बजे अनामनगरस्थित टिमुरे रेस्टुरेन्टमा सञ्चारकर्मीलाई बोलाएका हुन्।
पार्टी हितविपरीत गतिविधि गरेको भन्दै मंगलबार केन्द्रीय समिति बैठकले ढकाललाई महामन्त्री, प्रवक्ता र केन्द्रीय सदस्य पदबाट निष्काशित गरेको थियो।
पार्टीले जिम्मेवारीबाट हटाएपछि उनले आफूलाई रवि लामिछानेको क्लबबाट निकालिएको प्रतिक्रिया दिएका थिए। साथै उनले आफू रविको पार्टीबाट राष्ट्रिय स्वतन्त्र पार्टी बनाउने अभियानमा लाग्ने बताएका थिए।
आज सञ्चारकर्मीसँग उनले आफ्ना भनाई राख्ने बुझिएको छ। रास्वपाले ढकाललाई जिम्मेवारीबाट हटाए पनि उनलाई त्यसमा पुनरावेदन गर्न ३५ दिनको समय दिएको छ।
.jpg)
